I don't wanna' fight in the shade,...

"Wos wüsd du eigentlich? Du host a Wohnung in Linz, an klassn Job! I glaub ned das i schiach und bled bin, oiso hosd a freindin de passt und du bist nu imma ned zfriedn?,..."

Zitat Ende,...

Jo so is dann im Prinzip mei letzte Beziehung a zu Ende gangen,... nur des bleibt hängen,... Sie hod damit so recht ghobt,... i hob ois ghobt,... beziehungsweise hob nu immer alles (bis auf sie hoid) und kann mi ova ned zufriedn schätzen,... i kim scho langsam wieda drauf das i a an leichten perfektionismus hob,... vielleicht sogor schlimmer ois die meisten,... i man i putz ned de ganze zeit oder so,... so an perfektionismus man i ned,... Lebens-Perfektionistisch kind mas nennen,... i hob lang probiert das i mi zufrieden gib,... funktioniert ned,... i wü imma nu wos mochn, nu wos lernen, nu mehr immer mehr,...

Unzufrieden bin i ned,... derf i ned,... i hob alles,... alles wos ma sie in meim alter eigentlich wünschen kann,... eigenes auto, eigene wohnung, kane geldsorgen,... komplett unabhängig von daham,... leb mei eigenes leben,... bin in meim leben da einzige chef,... (inzwischen wieder ;)

Natürlich gehts ma ob, und i hob sie nu immer lieb,... ova wos nu mehr weh tut is des zitat,... es geht ma nimma ausn kopf und sie hod wahrscheinlich a recht ghobt i wor ned zufrieden in unserer beziehung, hob ova ehrlich ka ahnung ghobt warum, sie hod ma mein freiraum lossn wann in braucht hob, hod mi bekocht und bemuttert wanns ma ned so guad gangen is,... wor a herziga mensch einfach,... natürlich das' an klan drisch ghobt hod ova sunst hättst eh ned zu mir passt,... es is jo bekannt wie i teilweise bin ;),... sex natürlich gherd a dazua des hod a passt,... oiso wos hod ned funktioniert?? Sie wor mehr oda weniger da traum von freindin und,... najo,... was eben ned,...

Es rend anscheinend drauf aussi das mid mia wos ned bast hod,... I man i kenn mi',... i bin ned anfoch und es hod glaub i nu nermt der mid mia zam wor mi begriffn,... (vielleicht a da grund warum 2 von meine Ex Psychologie studieren ;)

Najo hob mi selber nie begriffn und des wiad se a so schnell ned ändern, auf jeden Fall hob i jo jetzt eh wieda viel zeit am wochenend über mich selber zu philosophieren und i glaub des wiad wieda sehr interessant,...

------------------------------------------------------------------

Nua kurz nu zua zusammenfassung,... (is immerhin scho wieda a neichtl her das i gschriebn hob)

bin seit gestern inzwischen 1 jahr bei da firma,... mia gfoids imma nu guad,... bin vielleicht bissl übergstresst momentan unta da wochn, deswegen hob i ma nächste wochn moi a boa tog frei gnumma,...

Hob ma vor am johr wieda ois hobby elektronik angfangen und hob scho a boa nette projekte obgeschlossn oiso wann wem fad is und er an lötkolben daham liegen hod kann i erm sicha a bor interessante und einfache projekte zukommen lossn,... bin selber jetzt eigentlich die meiste zeit mit microcontrollern und verstärkerbau beschäftigt obwoi des midn verstärkerbau daweil nur bis zu ana 20W mono Endstufen gereicht hod ;) Natürlich hob i ma a a schene BUM-BUM-Anlage ins Auto einbaut,... wobei des mehr mechanischer Aufwand war im Nachhinein betrachtet,... wor ova ziemlich lustig und 250W mehr im Auto hod hoid scho an Sinn *ggg*
Mitunter hab i a mein klan Gitarrenverstärker wieder reparieren können und jetzt wird a ova ois Musikanlag in meim Zimmer vergewaltigt :)
Naja i glaub ois nächstes wird a Dolby-Surround-Anlage fürs Wohnzimmer anstehn ova do muas i nu einiges mehr lernen,...

Also wer vielleicht auch lust hat einfach mal auf www.loetstelle.net vorbeischaun,...


Naja ein paar recommended readings nu zum schluss (leicht geekish):


http://www.lfgcomic.com/ (Richard rules!!!)
http://www.giantitp.com/ (für Dungeon Crawler!)
http://www.ctrlaltdel-online.com/ (for Gamers!)

Und nachdem des so "inn" is mid da musik:

http://www.last.fm/music/Die+%C3%84rzte/+videos/+1-Vlmz7qDymOk