Wenn eine Münze eine Seite verliert...

Ein sehr eigenartiges wochenende neigt sich dem ende zu...

donnerstog ju, freitog seespektakel, samstag ju,...

komische konstelationen waren des wochende,...

seespektakel wor a bissl a orschpartie,... domo und i san um 1 "ogrissn" ham mehr zeit bei dem kebapstandl nebm am "spektakel" verbrocht ois drinnen,... oanaseits weil de liveband oasch wor andererseits weil wieder moi olle nua scheisse mid erdbeeren gred ham,... andererseits weil doat is bia um 1€ billiga woa und zipfer woas a,... heineken is einfoch ned so mei bia,..

wos a freitog passiert is is das i meine gefühle wieder bissl in a richtung brocht hob,... mid am gespräch,... jetzt was i wenigstens wieder wie lang ma uman hoasn brei herumsudan kau,...

najo,.. jetzt hob i in dera hinsicht eh amoi 2 wochn a ruah,...

gschissn is nua das i moang wieda orbeitn muas,... des feud mi voi au... ova gottseidank nua mea a wochn... dann gehts auf ind toscana... i gfrei mi scho sooo drauf,... endlich wieda zeit zum nochdenken... vü zeit... gott sei dank sama komplett in da oaschicht,... nächst gresare ort is 20 km weg... des erleichtert is nochdenken um einiges...

najo wos soid ma song des wochenend wor einfoch fias herz zwar ned so guad,... obwoi eigentlich schau weil i knüpf irgendwie midn domo grod a richtig feste freindschoft kimd ma foa,... auf jedenvoi is is da kopf wieda freier woan und schau langsam hob i wieda bloz fia andane sochn... des is sche...

mei oigemeines empfinden is a wieda ganz guad... jetzt gehts wieda steil bergauf... und i hoff das i desmoi a bissl rostn kau auf dem berg... i hob scho langsam wieder gnuag von tälern...

tjo und jetzt motivier i mi nu a bissl das i de wochn nu guad umibring und dann san ferien und führerschein... und vü zeit des wiad wieda fein...

is des ned a schönes tier??

najo bis zum nächsten moi

with greetz schally

Der Trumpf der kein As mehr ist...

Die Frage beim Schnapsen ist doch immer sollte man einen Trumpf spielen wenn man nicht weiß ob der andere einen höheren hat... spielt man ihn trotzdem aus... vielleicht doch nur aus dem Grund zu sehen ob der andere wirklich den höheren hatte...

auch is irgendwie wichtig wie sich der andere dabei verhält wenn er den höheren Trumpf spielt oder auch wenn er den unteren spielt...

spielt er den höheren und begegnet er dir mit überlegenem hochmut so ist er sicher nicht dein richtiger "Spielpartner"...

spielt er den niederen und begegnet dir mit Misswillen und Ärger ist er auch sicher nicht dein richtiger "Spielpartner"...

spielt er jedoch den höheren mit Bewusstsein auf seinem "Glück" und spielt er den unteren Trumpf mit dem Gesicht eines gutem Gewinners ist es auf jeden Fall dein Partner...

I hob ma früher nie docht das so schwa is oide erinnerungen ausm kopf z'kriagn... i häng nu imma drau... es keman imma wieda so a bor fetzal oide erinnerung auffa... komischer weise immer nua von ana person mid der i scho lang lang lang nimma zambin... es is so damisch....

i fühl mi auf der wöd eigentlich nimma wohl... de ganzn terroristischen anschläge... und de ganze foische politik... kriege de ned sei miasn... kriage wo de presidenten ernare leid in tod schicken nua das a bor mille dollar mehr im spoaschweindl hom... in ana wöd wo is worldtradecenter a wochn vorm anschlag über 3,5 milliarde dollar gegen terroristische anschläge versichert wird und dann ganz "zufällig" von 2 flugzeuge getroffn wird... und im gesamten wors über 7 milliarden dolla versichert und des reicht "zufällig" fir den versicherer und olle seine drohtzieher und de familien von de 2 "terroristen" de in de twin towser einigflogen san ham auf bis erna lebensende ausgsorgt...

tjo blede zufälle gibts in unsara wöd....

i man verat und so des is sowieso nix mehr neichs... bestechung und unterdrückung des loss ma sowieso ganz gach untan disch foin das ma uns kan kopf mehr mochn miasn, weil wir leben sowieso in unsara rosa-blauen-blümchen wöd do is gott und der hod olle blumal und bäumchen erschoffen und uns a und "er sah das es gut war"....


die frage is nedda oba in da letzten zeit a amoi ovagschaut hod?!?

wahrscheinlich hod a amoi ovagschaut und hod sie volla entsetzen augspiebn und dann hod a si gschlichn,... so kimds mia irgendwie vor... das ma sovü scheisse auf an haufn nu durchlossn geh kau des derfat jo nedamoi am gott wurscht sei eigentlich...

tjo wie da hader scho gsogt hod... "wos schickstn imma deine kirtogsstandl kim doch bitte söba amoi ova und trink a bia mid uns"....

bitte moch des,... bitte dua des wann do wirklich irgendwer wo do oben in de woikn sitzt bitte dua des i mecht amoi wissn wosd da bei der ganzn scheisse eigentlich denkt host...

i würd di bitte wirklich gern darum bitten dasd uns ned erschoffn hätst... anaseits erlebn manche menschen wirklich a guade zeit auf da wöd andere miasn hungern und leiden und schaun das irgendwie zu am sauberen wossa keman,... andere ham des ois de frogn se dann wie ses ernam chef recht mochn kinan,... oda ernara frau...

am gscheidsdn du hättst des mid de menschen bleibn lossn mau... du hättst nedda de tiere und de pflanzen lossn soin... de hoidn se automatisch im gleichgewicht nedda wir san z'bled dazua obwoi ma des am weitesten entwickeltet hirn haum... des is so traurig...

bitte moch nuamoi a sinnflut... oda loss nuamoi schwefel hageln... ova bitte daschlog nua uns menschen weil wir san schuid am untergang der wöd....

gib da wöd nuamoi a chance ohne uns bitte moch des...

a wann i teilweis scho a bor wünsche an di gerichtet hob des war mei gresta...

i wü ned in himmel oda noch walhalla oda sunst irgendwo hin loss einfoch a sinnflut kema oda susnt wos.... loss mi ertrinken, verbrennen oda sunst irgendwos ova loss die menschheit nimma weiterleben bitte...

sie mochn doch olle nedda ois kaputt wosd angeblich du erschoffn host,... duat da des ned lad???

wahrscheinlich gibts di gor ned und i für nedda selbstgespräche mid meine gedanken... ova egal...

du host an trumpf üba de wöd erschaffen,... der ka As mehr is der scho fost gengan "Unta" geht...

Ova uns einfoch so umzbringa war wahrscheinlich zu einfoch du wirst uns gmiadlich zuaschaun wie ma uns söba umbringan ana in ondan oda a durchd natur des is wahrscheinlich da plan...

an schen dank... vom leiden host nu kan einfoch so erlöst des hob i scho gmerkt...


wanns di gibt dann wü i hoffn das des an sinn mocht wosd da dabei denkst,...

und ansonsten

erlös mi zumindest...

i mog nimma do sei...

Vorbei beim Schattendrachen...

Gestern wor eigentlich ganz in Ordnung,... bis auf des dass ma a zeidl lang wieda scheisse mit erdbeeren gred ham...

Witzig wor irgendwie das d'July auf amoi gmant hod "i kenn dei geheimniss"... Nur hob i ma denkt das es sowieso was,... weil ma eh scho üba des gred ham,... sie is praktisch nua dahinter kema warum i vor 2 wochn am samstog wirklich so lang ala an da bar gsessn bin...

Is oigemeine Befinden is bei mia grod eigentlich wieda ganz guad...

I bin nua gspannt wos i moang orbeitn muas,...

gestern hod ma jo sogor a anruf in obend verbittersüßt,... jetzt bin i wieder vawirrt,... in dera hinsicht,... ova najo wiad scho passad...


Und vorbei schlich sich der schwarze Warlock am Schattendrachen, da er ahnte, dass seine Kräfte noch nicht ganz zurückgekehrt waren,...

cya in Amn

Samstag-Abend-Nachrichten

Tjo... insofern hob is ind'Ferien gschofft... des "prinzipiell" soid hoasn das i mi ned wirklich aufd'Ferien gfrei und i gfrei mi a ned wirklich das i noch linz kim...

es schmerzt einfoch ois ziemlich im Moment...

Gestern hamma Hezz-Geburtstog gfeiert... Wor ganz lustig... nochad bin i nu ind'Ju auf a Caimoco gfoan und dort hams nedda scheisse mid erdbeeren gred... und es woan a a bor passagen dabei de ma gor ned gfoin hom ova wos sois... es leben is hoid schmerzhoft...

heidde san olle eigentlich meine metl-spezl olle im chat-net in timelkam (Treffpunkt von da Metl-Szene) und i werd heid midn faki und im rainer a klans festl bei erm feian... wos ma feiern is nu unklar ova najo... wiad scho wern... *söbst aufd schuita klopf* ...

Gefühlsmäßig und so bin i eigentlich wieda ganz neutral unterwegs... de fragen san weg da kopf is klar... und is herz duad weh irgendwie... Gestern hod ma in Hezz sei Vota einfoch so gsogt dass in zukunft nua mea 5% prozent der ehen wirklich bis zum tod hoidn werdn... de erklärung woa a bissl komisch irgendwie a Mischung aus Moderne und Emanzipation... was nimma so genau... wor auf jeden voi einleuchtend... ova i wüs trotzdem ned glaubn miasn...

wann des bissl romantik auf des ma se nu gfreid im leben a angegriffen wiad dann is des irgendwie traurig... kloa besteht mei romantik ned nua aus ana funktionierenden Ehe/Partnerschoft ova es is immerhin a Ziel... genau so wie kinder... a mid dem limonischen nebengeschmack das de kinder nu in ana greßan scheisse aufwochsn miasn ois de de wos auf uns nu zuakema wiad... (was ned ob i des söba nu versteh wann is ma nuamoi durchles)...

War i jetzt in Faerûn würd i jetzt zum listigen Schwindler auf a Bier geh... oda zum Panzerhandschuh auf an Schwarzrebenwein...

I hob eigentlich immer sehr vü Fantasie ghobt nedda schwindet de Fantasie sehr schnö wann am im Leben jegliche Romantik und jegliche Träume noch und noch gnumman werdn... und ma immer weida draufkimd das sei Traumwöd nie so existieren wiad... und das nie ois so sei wiad wie mas gern hätt...

in diesem Sinne auf mid dem Schwert zu Baldurs Tor...

count to six and die *sing*

Vor-Mitternachts-Gefühle

Heute war ein sehr normaler Tag in meinen Augen...

Es wetter wor regnerisch und kane leid do bis auf a bor... wir worn a bissl im hirtn heim,... auf a bor bier und nochad nu im dompark...

trotzdem san ma a bor erinnerungen von früher kema... and'karin... wir ham eigentlich a supa zeit ghobt... a wanns immer mid schwierigkeiten verbunden wor... so wie jede beziehung... trotzdem woa si de anzige de fir mi a guada freind und trotzdem a beziehungspartner wor... i hoff des wor ned de anzige moi wo i sowos erleben hob derfen.... des wor a wos einzigortiges...

heid is ma soweit scho um einiges besser gangen... i begreif scho langsam das ma si manche sochen einfoch nua nehma braucht wann mas hom wü... um andare sochn muas ma erst kämpfen bevor ma sies nehma KAU...

z.B.: wann ma ned ala sei wü dann suacht ma si an freind und ziagt mid erm um de heisa... sochn um de ma manchmoi kämpfen muas das ma sis nehma kau san zum Beispü... a Partner... Anerkennung oda Erfolg... natürlich gibts a de situation wo ma ned um an partner kämpfen muas oda wo an anerkennung oda erfolg einfoch so zuteil werden...
deswegen wors a nua a beispü...


scho langsam lichtet sie mei kopf wieda... wobei i ned sogen wü das i antworten finde auf meine vorergehenden frogen oba... es wird scho wieder klarer und es wird scho wieda leichta das ma über a bor sochn nochgrübelt...

wie wann ma durch an dichten woid geht und scho langsam a lichtung erblickt...

i kann mi scho langsam wieder auf andare erlebnisse gfrein... ohne das i fürchten muas das irgendwos schief geht... kann scho langsam wieda ois auf mi zukema lossn... a wonn des bis zum endgültigen status nu a bissl dauern wiad... obwoi i wahrscheinlich - wie schon gesagt - für des ka zeit hom werd...

mei seele scheint einfoch wieda a bissl leichta... und des gibt ma kraft den nächsten berg zu erklimmen...

Nach-Mitternacht-Gefühle

Eine Sommernacht ist fast so schön wie eine Winternacht...

Ich weiß auch nicht warum mir Herbst und Winter lieber sind als Frühling und Sommer...

I mog liaba de zeit wos ma schlecht geht, wo i von Winterdepressionen geplagt werd und mi über nix ausa üban Schnee und die Kälte gfrein kau. Wahrscheinlich liegts drau das i in der Zeit einfoch erkennen kau wer meine richtigen Freind san...

Jetzt wo mei letzter guada freind ausm heim ganga is kimd ma irgendwie grod jede nocht wie a schlechte Winternocht vor... komisch wann ma sonntag ins heim kimd und dia brennan manche sochn so auf da seele und der mid demst imma über des gred host am sonntag und de ganze wochn sitzt auf amoi nimma neben dia... nermt mehr mid dem ma vorm eischlofn nu a bissl quatschn kau...

Jetzt bin i wirklich da letzte von unserer oidn cliquen im heim... Najo oa joa nu... wird scho geh... vielleicht dan si a nu a boa freindschoftn auf... ova i schätz sowos losst si ned so leicht schoffn... jedenfois ned so a freindschoft wie mid wem mid dem ma 4 joa a zimmer teilt hod... des is irgendwie komplett wos andas... des is a ned wie irgenda andane freindschoft von mia... des is ganz wos einzigortiges... wos wos nie mea sei wiad...

--------------------------

Des buach wos i grod glesn hob sogt ma soid am gefühl ned glei an stempel aufdruckn und zu de abgestempelten sachen legen... sondan ma soid dem ganzn nochgeh... i was ned ob des so ganz richtig is... mia kimd voa ma muas zerscht a bor gefühle oder gedanken obstempeln mid der ersten erklärung de ma findet und a boa andane zuerst fertig denken und fühlen und dann de obgestempelten nuamoi hervorhoin... de gefahr dabei is nur wahrscheinlich das ma a bor verlieren kinad...

--------------------------

i hob früher nie angst vor veränderungen ghobt... nua zua zeit verändert si so vü ungewolltes das ma einfoch grod a bissl zvü wiad... und es keman sovü neiche sochn grod auf mi zua gegen de i irgendwie a nix mochn kau...

i fühl mi grod einsam, hilflos und überwältigt (ned im positiven überwältigt)...

lauta gefühle de i vorher scho gspiad hob ova de mi einfoch grod so überkeman das i glaub das mas herz zerspringt... wann wieda so a gefühl kimd und ma auf amoi gspiad das si da bauch zamziagt und is herz schwa und koid wiad,... und ma überhauptnix dagegen mochn kau... wo ma si nua aufn gehsteig legen mecht und sterben...

so sitz i jetzt do... ala,... mid meine gefühle,...

Soiche gefühle wo ma si damit wegtröstet das wann ma drüber schloft das moang scho wieda ois ganz andas ausschaud,... wobei ma was,... das ned so is.

Soiche gefühle wo ma ganz genau was das ma wos vamisst,... nua was ma ned wos is... dann denkt ma noch und stost auf goa nix... doch wie soid ma a a soch findn wann ma nedamoi was wies ausschaud...

und wann ma dann nochdenkt ruaft ma hechstns nua nu andere bittere gedanken und gefühle hervor dann kimd ma sie vor wie wann am sei eigenes gefrorenes herz in da hand hoid und es langsam aus da hand rutscht und aus da hand foid und schließlich am boden zu lauter zerberstet...

---------------------

Irgendwie kimd ma grod vor das i duach des schreibn do a boa frogn von mia scho um einiges näher kema bin... überhaupt über meine gefühle...



Wann ma von am Berg zum andan wü muas ma einfoch amoi duach a tal des is hoid so...

Warum ist das Leben nur so zitronisch...

Das Wochenende war wohl eher bittersüß...
so wie Cola-Weiß und Marlboro in die Richtung...

So ham si am Samstag a bor oide Gefühle gezeigt,... de ma scho moi ovigschluckt ghobt hod und de nu an unangenehmen Schluckauf verursachen... Viele Erinnerungen an andere Zeiten,... an andere Menschen,... genauso wie wieder neiche Menschen aufgetaucht sind,... de irgendwann wieder zu oide freind oda zu vergessene freind werden...

Dass es ganze Leben a kommen und a geh is is ma inzwischen leider scho kloa woan... nix bleibt,... nedamoi ma söba bleibt,... wann ma sogt das ma ausm nix kimd und ma wieda ins nix wieder zruckgeht... hod ma im prinzip nix verloren,...

nua leida a nix gewonnen...

oda doch???

Wahrscheinlich soit i ma jetzt moi gnuag zeit nehmen olle meine Gefühle und Gedanken ordnen und dann mid frischer Kraft auf meine nächsten Ziele mit starkem Schritt zugehen... nur die frage is dann obs fir andere sochn ned scho wieda zu spät worden is...

fragen über fragen...

Des Wochenend wor eigentlich wirklich spitze nua kimd ma noch a bor bia und a bor tequilla immer wieder auf so blede gedanken das ma am liabsten ausm lokal rena mecht und sie vors nächste auto schmeissen mecht...

des hob i ned gmocht... i bin einfoch a stund long an der bar mid a bor whisky-bull gsessen und hob nochgegrübelt... obgseng davo das i eigentlich kan gedanken zu ende brocht hob... (woran a des whisky-bull schuid sei kind) bin i draufkema das wirklich a boa leid in meina cliquen gibt de se echt schean um mi... de san dann noch am zeitl imma wieda herkema und ham mi gfrogt wos leicht los is und so... i hob dann gsogt:"es is eh nix,... i mecht einfoch nua a bissl nochdenken..."... dann woit i eigentlich scho hamgeh,... hob dann doch nu umdraht und hob nu recht a gaudi ghobt... mid geri, kathi usw... a wonn i nua nu a boa zitronische grinsa zambrocht hob hods im herzal doch recht guad dau...

wor a recht eigenortiges wochenend... i bin a gsponnt wann i wieda moi an gedanken zu ende denken kau des funktioniert momentan ned wirklich... a gedanke wird dann glei von 20 andan gjogt und do kim i ned ganz zam... wiad wieda moi zeit das i aufs balzarek rondeau geh... a bissl auf linz ovi schaun und nochdenken... nua jetzt funzt des glaub i nu ned so wirklich... moi schaun wie vü zeit das braucht... ova i denk de zeit werd i ma einfoch nehmen miasn... wann i mas jetzt ned nimm kimd des ganze wieda zruck... und dann wahrscheinlich in nu am ungünstigeren zeitpunkt...

es is irgendwo komisch wann ana frogt wies da geht sogst imma "es passt eh", "es is eh nix" oda sogor "guad" a wanns da schlecht... wahrscheinlich weist momentan ned wüsd das a da am sack geht... oda weils da foische mensch is... weil zu seine guadn freind sogad ma jo dann sowos in da ort "es geht ma ned so guad ova i wü jetzt grod ned drüba redn" oda es is dies und dos...

vü leid sogn das i kompliziert bin... undurchschauboa... andere sogn i bin kindisch und naiv... unzuverlässig, egoistisch, altklug... andere sogn wieda i bin plump, und stumpfsinnig... im prinzip is ma eigentlich komplett gleich wos andane leid sogn... mi würds nua interessian wie de leid auf so unterschiedliche ergebnisse keman... gib i mi vor verschiedene leid andas... des a sicha... ova de grundzüge miasad jo jeda gleich seng... oda a ned?

wie gsogt i soiad mi ana frog moi wirklich widmen und ihr aufn grund geh und dann de nächste erst aureissn... ova momentan is ois durcheinander in meim kopf... und irgendwie kimd momentan imma mea dazua... es wiad imma mea stod weniger...

njo genug geschrieben...

moang wieda oda irgendwann... vielleicht a erst dann wieda wann a bor frogn weniger woan san *g*

es leben is zitronisch
vielleicht ova a melonisch