Wieder einmal normale Kurznachrichten...

Tjo... moang praktische... i was eh das i ma in kopf ned zbrechn soid ova irgendwie bin i jetzt scho nervös *g*... an nervösen schally kinan se wahrscheinlich ned all zu viele leid vorstön :)

tjo wird scho guad geh... hois und beinbruch sogt ma... na dangschen :)

vü glick sogt ma... tjo glick sche und guad... ova najo eh scho wissn :)

tjo sovü dazu... es is hoid a bissl aufregung ova im prinzip kann ma jo eh nix foisch mochn *gg*

und wanns so war foa i hoid nächste wochn nuamoi... hoib so wüd ;)

bin nua gspannd wo mi da prüfer hijogt im prinzip gibts eh nedda 3 routen,... wobei ma de über ohlsdorf nu am liaban war wann i mas aussuachn kind wei gmunden und oitmünster ned so geil zum foan san ova najo...

i werd mi jetzt niedalegn und hoffentlich so schnö wie möglich schlof findn...

mid dem foa i moagn:

with greetz

- schally

Ein paar Worte über andere Worte...

Da herr Dorfer hod amoi gsogt de 3 österreichischen Grundeinstellungen san:

- "Es wor ned aso"
- "Es is ned aso" und
- "Ma Wurscht"

Es passiert ma so oft dass i mi wirklich dabei erwisch das i praktisch wie a Österreicher laut der Beschreibung bin...

Und i dawisch a oft andane leid dabei... i man wer kend des "Ma Wurscht" ned??

zum beispü wann mi wer über politik wos frogt,... oda üba de beziehungen von andane leid,... dann kau a mid sicherheit feststellen dass i mid "Ma wurscht" antworte,... ova des österreichische "Ma wurscht" des ziagt so jo eigentlich durch den ganzn Nicht-Wissens und Desinteressens bereich duach... oda sogor wann ma wer einfoch am orsch geht dann sog i auf seine aussagen einfoch "Ma wurscht" drauf und er wiad dann scho moi opfeifn...

des mid dem "Es wor ned aso",... wahrscheinlich in dem dorfer-programm eher aufn 2. Wödkriag bezogen gwesen is ova bei uns a vorhanden,... seis jetzt weil einfoch wer wos ned wor hom wü oda seis a weil 2 leid wos mid verschiedenen augen gseng hom...

so ähnlich is mid dem "Es is ned aso" de oan woins ned woa hom und "liagn" praktisch... liagn si söba au und andane genauso (Ob si de dann auliagn loss usw... des is a andane soch)...

trotzdem würd i bei dem "Es wor/is ned aso" ned sogn das des typisch österreichisch is... bei dem "Ma Wurscht" bin i ma hingegen ziemlich sicha...


über wos i ma a scho ewig in kopf zbrich is der ausdruck "Überall wo man hinsieht gibt es was zu sehen"...

is eigenortig... najo i man es is amoi kloa wann i wo hischau dann siag i wos... jetzt wern se de ersten denga... nanonaned... i fir mein teil glaub jo derjenige der des gsogt hod (was jetzt nimma von wem des woa) hod gmoand wann ma wo hischaud siagt ma wos wos ova nu mehr zum seng gibt ois da schein ois ersters vorgibt... oda er hod gmoand das wann ma bewusst wo hischaud das ma dann wirklich mehr siagt... oda des erst so wirklich siagt und si dann in kopf zum zerbrechen aufangt warum manche sochn so san oda so ausschaun... und dann fangt ma erst wirklich zum "sehen" au... kind ova a sei das a einfoch im voirausch gmerkt hod das wirklich sovü zeig zum auschaun gibt... najo...

andererseits is jo eh kloa das hinter ana wohrheit nu a wohrheit gibt... oda andas gsogt oda sogor andas betrachtet des ganze...zb.: wann ma beim fenster ausi schaut siagt ma an bam oda a wiesen etc... ma schaut sie de wiesen/bam/etc... au ova zbricht si eigentlich ka sekundn lang über des glas wos dazwischen is und wann ma dann is fenster so auschaut kimd ma drauf das de modernen fenster meistens 2 scheiben ham und a luft oda sogor gaskammer hod... und dann fangen de gedanken is tanzn au und ma überlegt so,... vielleicht dann a nu übern vorhang oda die mauer und de forb und wer den woi gnaht hod usw. u. sofort ... nur bleds beispü... ova i glaub hoid das a des so gmoand hod einfoch... das ma dann zum "sehen" aufangt wann ma a si gedanken darüber mocht und immer weida denkt und irgendwann siagt ma vielleicht zuerst is glas und dann in baum/wiesen/etc...


zu meine gestrigen worte is ma a textstelle von disillusion nu eigfoin... bei dem liadl "Back to the times of Splendor" (Zurück zu den Zeiten voller Glanz)...

wos so geht:

theres a road that i must travel
may it be paved or unseen
may i be hindered by a thousand stones
Still onward i'd crawl down on my knees

des passt a nu irgendwie dazua...

najo im prinzip woas des eh...

with greetz

- schally

Ein Mondstrahl auf einer Lichtung...

Irgendwie fühl i mi jo eigentlich in meim leben wie wann i durch an woid bei nocht ghetzt werd... gegen jeden 2ten bam knoi,... über wurzeln stolpert,... von staudad über zkrotzt werd...

des wichtigste is hoid einfoch wann ma a gstoipert is oda wo dagegen rend, das ma immer wieder aufsteht,... sie in dreck obwischt an dem vorbeigeht wos an ins straucheln brocht hod und si denkt "wos mi ned umbringt mocht mi nua härter"... oda das ma sie denkt wann ma zkrotzt wordn is das ma si denkt "die zeit wirds scho heilen"...

und wos i nua olle nahelegen kann,... probierts gor ned das de bam segts,... weil mas meistens sowieso ned seng ko,... und probierts a ned das "gehts" weil wann ma ned rend dann mochts kan "spaß" (i hoff irgendwer der des lest kann ma nu foign,... ova i red hoid einfoch gern in metaphern)

und wos i eich a versprechn ko... ma wiad wirklich härter,... härter is vielleicht a foisches wort,... nua ma vaputzt dann sochn leichta,... versteht sochn einfocher,...

und wann ma ned rend dann siagt ma a ned mehr,... es überkimd an einfoch a gefühl das am wos obgeht,... meistens was ma a ned wos is,... ova es is des rena!

jetzt werdn sie vielleicht a bor frogn warum ma ned einfoch ned in woid geht,... oda ned einfoch ausm woid geht,...

najo des is so a soch i hob de bam und de wurzeln a irgendwie ois metaphern gnumman,... des wü i ova ned wirklich näher erläutern...

wos a wichtig is is das ma se denkt es wiad wieda tog und hell und dann knoid ma vielleicht ned gegen so vü bam und stolpert ned üva wurzeln,... nua es is so wichtig das ma tog und nocht rennt,... und se ned denkt "hey geil jetzt is tog und jetzt rost i mi aus,..." weil de nocht kumd genau so sicher wieder wie da tog drauf...

ma kinad si jetzt a frogn "wos treibt uns überhaupt dazua das ma durch den woid gengan/schlendern/laufn" und i glaub des is wos wos jeder von uns hod... des is nämlich a gfühl des jeder von uns irgendwo im kopf hod...

des is des gfühl des uns hüft das ma a wieder aufstengan wann ma volle läng auf di schnauzn gfoin san...

manche leid bleibn hoid dann a zeidl liegn oda stengan auf und gengan des erste stücki wieda... bevors wieda zum rena aufangan...

wos a beruhigend is das ma nie alanich rend... ma hod imma freind neben sich rena... oda a freindin... eltern... (de renan hoid nimma so schnö, de san a bissl weida hinter mir und höfn ma immer wieder beim aufsteh so ähnlich wie meine freind nua renan de hoid näher bei mia)...

um wieder zua überschrift zruckzkema... wann ma jetzt zu ana lichtung kimd und dort scheind da mond mid seim fahlem liacht ova und ma siagt wieda wos dann derf ma a ned stehbleibn... (des foigende kling jetzt vielleicht a bissl doof) ma muas einfoch an lichtstrahl vom mond midnehma... und der leicht dann a a bissl aufn nochfoigenden weg... genauso wie wann ma zu am schönen baum kimd... bittet ma sein geist einfoch das a midkimd...

so i hoff irgendwer hod mi zumindest so hoibwegs verstandn wos i damid man,...

fir de de ma ned so foign ham kinan... des wos do obn steht is de langform von :"wanns di midn radl schmeist,... steig wieda auf und radlt weida"

in diesem sinne

with greetz

- schally

Der Griff eines Schwertes...

in grif von am schwert kinnad ma mid am leben vergleichen...

es hod moi ghoasn jeda is seines glückes schmied...

moi angnumman ma schiemdet sei glück/schwert söba... oda nu bessa ma sogt das ma sei schwert a leben lang schmiedet... bled gsogt ma schmiedet sei leben a leben lang wos wahrscheinlich am besten trifft...

wann da griff vom schwert rutschig ist oda ma midn schwert zustechen wü muas ma hoid drau docht hom das ma bügel an sei schwert schmiedet das ma ned mid da hand über de klinge rutscht und si schneidet...

vielleicht wärs a sinnvoll das ma si an schild dazua schmiedet... oda a zwahänderschwert,... oda an säbel, rapier, degen, florret, flamberge, katana,... etc...

jeda wiad si sei schwert so schmieden wie a wü,... vorausgsetzt er hod des können und des eisen/stahl dazua.... najo des kinnd ma jetzt weiterspinnen,....

oda vielleicht a axt?,... a bartaxt?,... a hellebarde?,...

oda an speer? langspeer?,... kurzspeer? wurfspeer?

an bogen?,... englischer langbogen? kurzbogen? kompositbogen? a armbrust??

a keule? an streitkolben,... kriegshammer?,... wurfhammer? (so wie da odin? sei geila hamma da mjölnir?)

dolch? vielleicht a kukri? oda sogar a messa?


i schauad wahrscheinlich komisch aus... i würd mid am klan schüd, am langschwert,... ohne rüstung,... mid am kukri an da hüfte und ana armbrust am rückn umadum rena...


najo...


with greetz

- schally

Bloody saturday...

Wiedermal Wochenendnachrichten schreiben...

Gestern wor ma in da ju... wor a gscheide gaudi... ham unter anderem a "hardcore" und "ich hab dich lieb" neu vertextet... Heid keman wieda moi olle zam des wiad sicha wieda a gscheide gaudi...

Jetzt wern da muki und i noch gmunden fohrn bissl shoppn... i werd mi moi um an dvd-player und vielleicht um a externe Festplottn umschaun... und a bor dvd's wern wahrscheinlich a dabei sei...

i gfrei mi scho auf d'nocht... sche das i in laakirchen a so vü spezl hob... nua vernochlässigt i irgendwie de leid aus oidmünster und so voi irgendwie... des is a ned schön ova irgendwie wü i ned wirklich weg aus laakirchen... gmundn interessiert mi gor ned...

ova najo das gmundn uninteressant is des war nix neichs *g*


najo i werd mi jetzt zamrichtn...


cya in Amn

with greetz

- schally

schwarze tage,... schwarze nächte

najo heid erste theoriestundn fian führerschein ghobt... ganz witzig de ganz liabn schüdln... ova ned wirklich interessant...

was ned versink grod wieder so in der alltagsstimmung... heid wor i zwoa midn faki aufn cafe und es wor a ganz lustig ova najo...

ned wirklich aufregend...

with greetz

- Schally

Zurück aus der Denkpause...

Sodala bin wieder im Lande... Toscana wor nu vü schena ois i mas erträumt hob... de villa wor nu vü schena und ois andane a... mulino vecchio... steht fir a guade zeit...

die zeit hob i a so verbrocht wie i mas erhofft hob... vü am pool gelegen, vü glesn, vü nochdocht... mid erfolg wieder a bor erkenntnisse gewonnen... trotzdem wiads zeit das a bor sochn fix wern...

so deppad in da luft hänga des kann einfoch nix...

wos olladings scho wos kau is frühshoppen um 9e in da fruah in da toscana *ggg* i hob einfoch orge ötan...

des nächste is jetzt da führerschein... wird a wieda bissl stressig wann in wie geplant scho am 24.8 in da händ hoidn wü, ova najo wiad scho wern... muas scho geh...

s'leben is damisch und bei dem bleibts *g* so wors imma und wiads imma sein... scheisse mid erdbeeren wie i so gern sog...

with greetz

- schally